Қазақстанның астанасында жалға алынатын тұрғын үй бағасы соңғы 1,5 жылда алғаш рет арзандады. Ал Алматыда, керісінше, пәтерлердің жалға беру құны тек қымбаттауда. Бұл туралы Бірінші кредиттік бюро (БКБ) Data Hub Telegram-арнасының сарапшылары жасаған зерттеу нәтижелерінде айтылған, деп хабарлайды “Құқықты Қазақстан” порталы.
Ұлттық статистика бюросының (ҰСБ) деректеріне сүйенген сарапшылар қазан айының қорытындысы бойынша Астанада пәтер жалдау бағасы қыркүйекпен салыстырғанда 1,2%-ға төмендегенін атап өткен. Бұл айлық құнның алғаш рет төмендеуі болып отыр, ал соңғы рет мұндай жағдай 2023 жылдың сәуір айында болған.
«Сондай-ақ, екінші нарықтағы тұрғын үй бағасы да төмендеді: 1,1%-ға баға құны төмендеген. Жаңа үйлердің бағасы керісінше өсті: 0,5%-ға артты. Жалпы, Астанада бастапқы нарықта пәтерлердің бағасы аса өзгерісмеген– бұл соңғы рет биыл наурыз айында байқалды, ал одан бұрын – 2017 жылы. Дегенмен, Астанада пәтерді сату және қайта сату бағасы Қазақстан бойынша ең жоғары болып қалуда, ал Алматыда пәтерді жалға алу бағасы өсіп барады. Алматыда жалға беру құны соңғы алты ай бойы артып келеді, қазіргі көрсеткіш 1,5%», – деп мәлімдеді сарапшылар.
Олар сондай-ақ, жыл басында Алматыда қаңтар және наурыз айларындағы жер сілкіністері салдарынан пәтер бағаларының төмендегенін еске салды. Бірақ қазіргі уақытта Алматыдағы баға көрсеткішінің төмендеуін тоқтатып, қыркүйек айындағы құнның түсімі толықтай қайтарылған.
«Қарага айындағы жер сілкінісінің жалға алушыларға қалай әсер еткені туралы деректерді келесі айда білеміз», – деп қосып өтті зерттеу авторлары.
