Алматыда «Таза Қазақстан» республикалық бағдарламасы және «Алматы – біздің ортақ үйіміз» қалалық науқаны аясында Plastic Reboot экологиялық акциясы өтуде.
Акцияның мақсаты – қала тұрғындарының пластик қалдықтары мәселесіне назар аудару және олардың қайта өңдеу процесіне қатысуын ынталандыру. Тұрғындар пайдаланылған пластикалық қаптамалары мен ыдыстарын ақшаға айырбастау мүмкіндігіне ие болады. Жоба аясында тұрғындар үшін Экохаб, Оқушылар сарайы, мектептердің инновациялық шығармашылық орталықтары және қауымдастық орталықтарында пластик қалдықтарын қабылдау орындары ашылады.
Акцияға қатысу үшін 18-24 қазан аралығында тұрғындар пластикалық бөтелкелерді жинап, қабылдау орталықтарына тапсыруы қажет. Қызметкерлер қабылданған қалдықтардың санын есептеп, олардың талаптарға сәйкестігін тексереді, содан кейін қатысушының деректері (телефон нөмірі) мен бөтелкелер саны арнайы базаға енгізіледі.
Су бөтелкелері, сусабын мен тұрмыстық химияның қаптамасы, кейбір азық-түлік өнімдерінің (Амиран, Гормолзавод) қаптамасы, 5-ші түрдегі бір рет қолданылатын ыдыстары қайта қабылданады.
Қабылданбайтын пластик:6-шы типтегі бір реттік ыдыс, компьютер мен тұрмыстық техникадан шыққан пластик, автокөліктердің пластикалық бөлшектері және басқа рұқсат етілмеген пластик түрлері. Тапсыратын ыдыс сұйықтық, тамақ қалдықтарынан таза болуы тиіс.
Әр пластикалық ыдыс үшін төлемақы ретінде 5 теңге беріледі. Ақша қатысушының телефон нөміріне аударылады.
Мектеп оқушылары, колледж, университет студенттері мен мектепке дейінгі ұйымдардың тәрбиеленушілері «Ізгі қақпақ» бағдарламасына қатыса алады. Пластикалық бөтелкелердің қақпақтары барлық аудандық қауымдастық орталықтарында қабылданады. Әр айдың соңында үздік оқушылар Экохабта қақпақтарды қайта өңдеп, өз қолдарымен жәдігер жасау мүмкіндігі ие болады. Жыл соңында қайта өңделген пластиктен жаңажылдық шырша орнату жоспарлануда. Пластиктен жасалған шырша қалада көрініс алып, қалдықтарды қайта пайдалану арқылы экологиялық сананы қалыптастырудың тамаша мысалы болады.
Пластик – әлемдегі негізгі экологиялық проблемалардың бірі. Оның баяу ыдырауы мен кең көлемде таралуы экожүйеге зиян келтіреді, топырақ пен су қоймаларын ластайды. Пластикалық заттар жүздеген жылдар бойы ыдырамай, экожүйеге орасан зор зиян келтіреді. Әлемнің көптеген елдерінде Plastic Reboot сияқты акциялар халықты пластикалық қалдықтарын сұрыптауға ынталандырады. Тұрғындар демалыс орындарын, жағажайларды, орман саябақтарын, су қоймаларын, қала маңындағы аумақтарды және өзендерді пластикалық қалдықтардан тазартып, қалдықтарды қайта өңдеудің экологиялық және экономикалық пайдасы туралы ағартушылық іс-шараларды өткізеді.
Plastic Reboot акциясы қала тұрғындарын пластикалық қалдықтарды қайта өңдеуге тапсыруға ынталандырып қана қоймай, сонымен қатар тұрғындардың тұтыну мәдениетіне саналы көзқарас қалыптастыруға, ластануды төмендетуге және қаланың экологиялық жағдайын жақсартуға белсенді қатысуға шақырады.
Plastic Reboot акциясына қатысу және қосымша сұрақтар бойынша келесі байланыс нөмірлеріне хабарласуға болады: +7 747 779 8010 (Хамза), +7 707 358 9992 (Назгүл).
Пластик қабылдау орындарының мекен-жайы (18-24 қазан):
Алатау ауданы:
- Нұркент шағын ауданы, 14а (Мектептердің инновациялық шығармашылық орталығы).
- .Саина – көшесі. Мөңке би, «Алатау» саябағы (Мобильді орталық).
- «Үшқоңыр» (Мобильді орталық).
Алмалы ауданы:
- Байтурсынов, 22/1көшесі (Жастар қауымдастық орталығы).
- Желтоқсан, 29 (Белсенді ұзақ өмір сүру орталығы).
Әуезов ауданы:
- Мамыр-1, 26/1, 2 ғимарат (Жастар қауымдастық орталығы).
- Өтеген батыр, 98 (бұрынғы РАГС ғимараты).
Бостандық ауданы:
- Абай 164/6, ТК «Терракотта» (Жастар қауымдастық орталығы).
- Б.Шукенов, 66 а (Белсенді ұзақ өмір сүру орталығы).
Жетісу ауданы:
- Боткин к-сі, 20 (Жастар қауымдастық орталығы).
- Серіков к-сі, 6 (Жастар қауымдастық орталығы).
Медеу ауданы:
- Достық даңғылы, 124 (Оқушылар сарайы).
- Назарбаев даңғылы ы, 36 (Жастар қауымдастық орталығы).
Наурызбай ауданы:
- Шұғыла ықшам ауданы, 347/4 (Мектептердің инновациялық шығармашылық орталығы).
- Райымбек даңғылы, ГКБ №7-нің алдында (Мобильді орталық).
Түрксіп ауданы:
- .Р. Зорге к-сі, 2 (Әлеуметтік жоба «Тең қоғам»).
- Жас Қанат шағын ауданы, 49А (Жастар қауымдастық орталығы).
