Қазақстан мен Қытайдың құрылыс материалдары саласындағы ынтымақтастықты дамыту мақсатымен Қазақстанның Ұлттық кәсіпкерлер палатасы «Атамекен» алаңында екі елдің өкілдерінің кездесуі өтті.
Кездесу барысында негізгі тақырыптардың бірі ретінде құрылыс материалдарын өндіру және сату бойынша Қазақстан мен Қытайдың бірлескен платформасын құру мәселесі талқыланды. Екі ел Алматыда құрылыс материалдарына арналған тәуелсіз көрме орталығын ашуды қарастыруда. Бұл орталық тек сауда алаңы ғана емес, сонымен қатар құрылыс саласындағы инновациялық технологияларды көрсету алаңы ретінде қызмет етпек. «Атамекен» ҰКП төрағасы Райымбек Баталов осы жобаны жүзеге асыру үшін жұмыс тобын құруды ұсынды. Жұмыс тобының құрамына Қазақстанның Сыртқы сауда палатасының өкілдері мен «Атамекен» ҰКП Құрылыс және жер қатынастары департаментінің мамандары кіреді.
Кездесу қорытындысында тараптар құрылыс материалдары нарығын терең зерттеу мен оның қажеттіліктерін, сондай-ақ кластерлік жобаларды іске асыру мәселелерін талқылады.
Кездесу нәтижесінде Қазақстанның Сыртқы сауда палатасының төрағасы Мұрат Қарімсақов пен Қытайдың Халықаралық сауда палатасының құрылыс материалдары жөніндегі өнеркәсіптік бөлімшесінің вице-президенті Чи Конгтао өзара түсіністік туралы меморандумға қол қойды. Тараптар Қазақстан мен Қытай арасындағы экономикалық байланыстарды нығайтуға бағытталған жобаларды қарастыруға дайын екенін білдірді.
