Астанада Esil University студенттеріне арналған еуропалық типтегі жаңа жатақхананың құрылысында капсула салу салтанатты рәсімі өтті. Бұл шара университеттің 25 жылдығына орай болашақ құрылыс алаңында ұйымдастырылды.
Esil University ректоры, экономика ғылымдарының докторы, профессор Аяпберген Таубаев студенттер үшін заманауи мүмкіндіктер жасау университеттің басты мақсаттарының бірі екенін атап өтті. Ол сондай-ақ, бұл жобаға қолдау көрсеткен серіктестер, әсіресе «Matte Development & Construction» ЖШС-нің инвесторларына алғысын білдірді.
