Қазақстанда соңғы жылдары жаңа үйлерден пәтер сатып алу деген сұраныс артты. Бұған түсіністікпен қарауға болады, себебі қазіргі таңда жаңа үйлерде пәтерлердің жақсы жоспарлануы, кеңдігі, заманауи дизайны мен жабдықтары, сондай-ақ көптеген ыңғайлы мүмкіндіктеріне әр адам баса назар аударады. Өздерінің жайлылығын жоғары бағалайтын азаматтар үшін бұл критерийлер маңызды.
Қазіргі таңда жаңа ғимараттарда сатылатын пәтерлер арасында толығымен дайын, яғни «кілт тапсыру» күйінде сатылатын пәтерлер көбейіп келеді. Бұл ұсыныс, әрине, болашақта өз тұрғын үйін сатып алуды ойлаған адамдардың қызығушылығын тудырды. Дегенмен, мұндай пәтерлерді сатып алғанда түрлі сұрақтар туындайды: дайын пәтерге ақша салу қаншалықты тиімді? Оның құрылыс жұмыстары мен материалдарының сапасы қандай? Бұл сатып алудың қандай нақты артықшылықтары бар? Осы сұрақтарға жауап іздеп көрейік.
Алдымен, Қазақстанда пәтер сатып алушылардың көпшілігі несие немесе ипотека арқылы үй алады. Осыған орай, қазіргі таңда көп пәтерлер құрылыс жұмыстары аяқталмаған күйінде сатылуда. Яғни, сіздің жұмысыңыз жаңа пәтерді сатып алумен шектелмейді, сонымен қатар жөндеу жұмысымен айналысып,оған ақша жұмсауды талап етеді. Сонымен қатар, мұндай жағдайда адам белгілі бір уақытты жалға алынған пәтерде немесе туыстарында өткізуі қажет болады. Бұл өз кезегінде айтарлықтай қаржылық жүктеме мен ыңғайсыздық туғызады.
Ал енді пәтерге жөндеу жұмысын жасау қанша уақыт пен күш жұмсалуы қажет? Жөндеу жұмысын аяқтау оңай емес. Оған қоса, ипотека бойынша ай сайынғы төлемдер де үнемі болғандықтан, қосымша қаржылық ауыртпалық түседі. Мұның бәрі қосымша психологиялық және физикалық жүктеме болады.
Сонымен қатар, пәтер дизайнымен айналысатын мамандарды тауып, құрылыс тобын іздеп, дизайнердің идеяларын жүзеге асыратын адамдарды табу қажет болады. Бұған қоса, құрылыс материалдарын сатып алып, жеткізілуін ұйымдастыру, олардың дұрыс мөлшерін есептеу, жұмысшылардың сапасын бақылап отыру — мұның бәрі қосымша қиындықтар туғызады. Яғни, бұл тек қаржылық емес, жүйкеге де айтарлықтай жүктеме
Стресс адамның денсаулығына айтарлықтай кері әсер етеді. Стресс көбіне ұйқының бұзылуына, жүйке күйзелісіне және басқа да психологиялық ауыртпалықтарға әкеледі.
Ұзаққа созылған стресс түрлі денсаулық мәселелеріне себеп болатыны белгілі. Сондықтан әр адамның өмірінде стрессті мүмкіндігінше азайту өте маңызды. Егер стресс жағдайынан аулақ болу мүмкіндігі болса, оны пайдаланған жөн. Бұл пікірді белгілі нумеролог және кванттық психолог Ксения Плужникова да растайды.
«Жөндеу жұмыстары туралы. Бұл — өте үлкен стресс, тіпті сау адам үшін де. Мен жақында жөндеужұмыстарын да, көшіп-қонуды да бастан өткердім, — деп бөліседі пікірін Ксения. — Алдымен бір бағаны айтады, бірақ соңында сол баға өзгеріп шығады. Кейде жұмысшылар нақты уақытында жұмыс істегісі келмейді, үнемі бақылап тұру қажет. Мұның бәрі стресс туғызады», Сондықтан жөндеуге кететін күш-жігерді ескере отырып, оны мүмкіндігінше азайту қажет.Мен бұны қарапайым адам ретінде айтып отырмын. Мұның қаншалықты қиын екенін жақсы түсінемін. Мен мақсатқа баса назар аудардым. Маған тек кәсібилігім көмектесті, ашуланбай, басты мақсатты ойлап, кей жерде шыдамдылық танытып, кейде қосымша түсініктеме беріп, тағы да бақы
Бұл пікірлер таңқаларлық, келісесіз бе?
Алайда, жаңа пәтерлерді сатып алу арқылы барлық қиындықтардан құтылуға болады. Оның негізгі артықшылықтарының бірі — уақытты үнемдеу. Пәтер дайын күйінде болады, оны сатып алғаннан кейін бірден көшуге болады.
Сонымен қатар, қосымша дизайнерлерге, құрылыс материалдарына, жұмысшыларға ақша жұмсаудың қажеті жоқ, өйткені пәтердің бағасына жөндеу жұмыстары да кіреді.
Жаңа үйіңізге жөндеужұмысы жүргізіліп жатқанда, пәтерді жалға алуға кеткен ақшаны үнемдейсіз.
Тағы бір маңызды артықшылығы — стрессті болдырмау. Дайын пәтерлерді сатып алған адам құрылыс материалдарын іздеумен, құрылысшылармен сөйлесумен немесе жұмыстың барысын бақылаумен айналыспайды. Оған қоса, жөндеу аяқталмаған пәтерлерде кездесетін қиындықтар, мысалы, құрылыс материалдарының жоқтығы немесе жөндеуден кейінгі қалдықтарды шығару мәселесі болмайды.
Бұл пәтерлердің тағы бір айқын артықшылығы — тыныштық. Себебі көршілер ұзақ уақыт бойы жөндеу жүргізіп, үй ішінде шу шығарып, шаңдатып жұмыс істемейді. Олар әр күні бұрғы секілді құрылғылармен жұмыс істемейді, үйдің ішін шаңға толтырмайды. Бұл әсіресе тұрмыстық жайлылық пен тыныштықты бағалайтындар үшін өте маңызды.
Қазіргі замандағы құрылыс компаниялары Еуропа елдерінде пәтерлерді «кілт тапсыру» түрінде сату қызметін жиі ұсынады. Мысалы, Рим немесе Мадрид сияқты ірі қалаларда пәтерлердің ішкі жұмыстары аяқталмаған күйде сатылуы өте сирек кездеседі. Әдетте, құрылысшылар барлық жөндеу жұмыстарын толық аяқтап, дайын пәтерді тапсырады.
Қазіргі таңда құрылыс материалдарының әртүрлілігіне байланысты, пәтерлердің ішкі жұмыстарының сапасы да жоғары деңгейде. Әрбір пәтерде заманауи еден жабыны, сантехника және басқа да қажетті элементтер стандартты түрде орнатылады. Бұл сатып алушылардың уақытын үнемдеуге, шығындарын азайтуға және өмірін жайлы әрі стресстен аулақ етуге мүмкіндік береді.
Қызықтыңыз ба? Біз бұл тақырыпты одан әрі жалғастырамыз. Осы мәселеге қатысты өз пікіріңізді бізбен бөлісіңіз!
