«Өңірдің құрылыс секторында құрылысшыларды тәртіпке шақыру қиын» — деп хабарлады облыс әкімі Ермағанбет Бүлекпаев Facebook-те.
Ол мемлекеттік архитектуралық-құрылыс бақылау басқармасының басшысы Сержан Аймаковтың баяндамасын тыңдағаннан кейін, құрылысшылардың тиісті құжаттарсыз жұмыс істеп жатқанын анықтады.
Бұл тек көпқабатты тұрғын үйлер мен бизнес нысандарын салуға ғана емес, ауыл шаруашылығы құрылымдарына да қатысты.
«Көп жағдайда құрылыс нормалары мен жер заңнамасы бұзылуда. Біз жер нысандарын мақсатсыз пайдаланылуы, бөгде аумақтарды басып алу және құрылыс ережелерінің бұзылуы жағдайларымен бетпе-бет келудеміз.
Сонымен қатар, ауыл шаруашылық жетекшілері ГАСК-тың салатын айыппұлдарына шағымданып, бизнесті дамытуға кедергі екенін айтуда. Бірақ, кейінірек мұндай нысандар қиындықтармен бетпе-бет келеді. Оларды кепіл ретінде пайдалану, субсидия алу немесе заңды түрде пайдалануға енгізу мүмкін емес.
Нәтижесінде, бұл үрдіс бизнес дамуын тежейді және үлкен айыппұлдарға әкелуі мүмкін», – деді басқарма басшысы. Ол ГАСК-тің әкімшілік айыппұлдарды беруді, ресми техникалық тексеріс жүргізуді талап ететінін,тек содан кейін ғана нысандарды пайдалануға рұқсат беретінін хабарлады.
Олардың қатарында: Шет, Ақтоғай және Қарқаралы аудандарындағы 4 ауыл шаруашылық нысаны; Қарағанды және Балқашта, сондай-ақ Қарқаралы және Ақтоғай ауданында 38 дүкен мен дәмхана; Приозерск, Балқаш, Қарағанды және Ақтоғай ауданындағы 6 демалыс және монша нысаны жатады.
Сержан Аймаков кейде жағдайдың қисынсыз жағдайға айналатынын мәлімдеді. Меншік иелері өз мүліктеріне үстірт қарағандықтан, әкімдіктер кәсіпкерлерді мемлекеттік органдарға апарып, құжаттарды рәсімдеуге мәжбүр болуда.
Облыс әкімі Ермағанбет Бүлекпаев бұл мәселеде байыпты болу қажетті екенін атап өтті. Ол әлеуетті сатып алушыларға құрылысшылардың құжаттарын сатып алудан бұрын мұқият тексеруді ұсынды.
«Мүлікті сатып алмас бұрын, сіз үйдің құрылыс құжаттарын талап етуге құқығыңыз бар. Сондай-ақ, нысанның заңдылығын ГАСК сайтындағы «Өз ТК-ді тексер» бөлімінен тексеруге болады.
Ақпарат сол жерде үнемі жаңартылып отырады. Жаңа құрылыс кодексінің енгізілуімен мемлекет тарапынан құрылыс кезеңдерінің барлығына бақылау күшейтілетінін еске салғым келеді», – деп жазды облыс әкімі әлеуметтік желіде.
Сондай-ақ, құрылысшылардан заң талаптарын қатаң сақтауды және рұқсат құжаттарының толық пакеті жинақталмайынша құрылысқа кірісуге болмайтынын талап етті.
«Тағы да атап өтетін жайт: ГАСК-тың және әкімдіктердің рөлі – бизнесті жазалау емес, керісінше, заңды жұмыс істеуге көмектесу. Тек осылайша бизнес азаматтық құрылыс нарығын дамытуға және сатып алушылардың сенімін арттыруға мүмкіндік алады», – деді облыс әкімі Ермағанбет Бүлекпаев.
Светлана СБРОДОВА. Мұрағат суреті «ИК».
