Мемлекет басшысының тапсырмасы бойынша Ақмола облысында көктемгі су тасқынынан зардап шеккендерді тұрғын үймен қамтамасыз ету жұмыстары жалғасуда. Есіл қаласында су тасқыны аймағында қалған отбасыларға пәтер кілттері табысталды. Шараға Ақмола облысының әкімі Марат Ахметжанов қатысты.
«Біз қуанышты оқиғаның куәсі болдық – 21 отбасы жаңа пәтерлерге ие болды. Өкінішке орай, су тасқыны Есіл ауданында айналып өтпеді. Облыс пен аудан бойынша су тасқынының зардаптарымен күресу жұмыстары белсенді жүргізілді. «Асар Ақмола» қорының пәтерлер сатып алу есебінен 16 отбасы қоныс аударды. Бүгін жаңа қоныс иелері кең, жарық және жылы үйлердің кілтін алады. Жұмыстардың барысы мен сапасын бақылауды тек мемлекеттік органдар ғана емес, сонымен қатар тұрғындардың өздері де жүргізді. Бұл көше бүкіл шағын ауданның құрылысын бастаудың алғашқы қадамы болмақ. Болашақта осы жаңа пәтерлерде тек бақытты сәттер орын алсын», – деп атап өтті өңір басшысы.
Айта кетейік, жаңа тұрғын үйлердің құрылысы «Нұр Астана Құрылыс» ЖШС-нің әлеуметтік жауапкершілігі аясында жүзеге асырылды. Әр үйдің аумағы 85 шаршы метрді құрайды. Құрылысқа су басу қаупі жоқ аймақтардан жер телімдері бөлінген. Барлық үйлер жайлы, электр жарығы, сумен жабдықтау жүйесі жүргізілген.
Жаңа қоныс иелері өз әсерлерімен бөлісті.
«Біз көптен күткен үйіміздің кілтін алғанымызға өте қуаныштымыз. Ел басшылығына және бізге көмек көрсеткен барлық адамдарға шын жүректен алғысымды білдіргім келеді. Су тасқынынан зардап шеккен біз үшін бұл шынымен де ерекше күн», – деп бөлісті Есіл қаласының тұрғыны Наталья Орехова.
Сонымен қатар,Атбасар және Бұланды аудандарының тұрғындары жаңа үйлерге ие болды.
