Осы жазда қалада жөндеу науқаны барысында ТЭЦ-те 15,6 шақырым ескі жылу желілері 55 жер нысанында ауыстырылды. Сонымен қатар, 3,3 шақырым құбырдың жылу оқшаулауын жаңарту міндеті қойылды.Бұл жылудың шығынын азайтуға бағытталған.
Нәтижесінде, қала бойынша көптеген жерлер қазылды. Кейбір құбырлар әлі жабылмаған.Ал, синоптиктер қар мен аязды болжайтынын хабарлайды Noks.kz. Қала тұрғындары жылыту маусымына дейін жылу желілерінің дайындығы бойынша алаңдауда.
Риддер қаласының ТКШ, жолаушы көлігі мен автожолдар бөлімі мәліметтері бойынша, жұмыстар аяқталуға жақын. Жылу желілерінің дайындық деңгейі — 98,5 пайыз.
— Жылу желілеріндегі жалпы жөндеу жұмыстарының көлемі 19,3 шаршыны құрады, — деп баяндайды Риддер филиалының бас инженері Кирилл Голота. — Қазіргі кезде тек кварталдық желілер қалды. Осы учаскелердің магистральдық желілерін қосу жұмыстары жүргізілуде.Жақын күндері барлық жұмыстарды аяқтауды жоспарлап отырмыз. Сондай-ақ, айналымды су құбырының қысыммен тексерістері жүргізілуде. Одан кейін жылу желілерін сумен толтыру және оларға да қысыммен сынақтар жүргізу жоспарланған.
20 қыркүйекке қарай, мамандар ТЭЦ-те орташа қысымды № 3 қазанды қосып, қалаға ыстық суды беруді жоспарлап отыр. Сол уақытқа дейін барлық қажетті дайындық жұмыстары аяқталады. Мүмкін, жұмыстар осы мерзімнен бұрын да аяқталуы мүмкін.
— Қазіргі кезде № 3 және № 6 қазандарын қысыммен тексеруге дайындап жатырмыз, — дейді Риддер филиалының директоры Ерлан Оразаев. — Өткен жылы қазандықтар мен желілерден бастап көптеген ақаулар байқалды. Су құйып, төгіп, қайнатып, қайтадан құю қажет болды. Биыл инфрақызыл сәулемен ақауларды тексеріп жатырмыз.Бұл жолы жұмысқа мұқият қарадық. Бірінші кезеңде қазандарды, сосын желілерді қысыммен тексереміз. Қазір қосылу орындары көрініп тұр, сондықтан жермен жаппаймыз. Қысыммен тексеру кезінде ақауларды анықтап, түзету жұмыстарын жүргіземіз.Содан кейін ғана жермен жабамыз.
