2025 жылы құны 1 миллиард теңге болатын шыны пластик құбырларын шығаратын зауыт салу жоспарлануда. Үкімет жобаның іске асырылу кезеңінде екенін атап өтті. Өндірістік қуаттылығы: шыны пластик құбыр (Ду 2800) – жылына 8760 погон метр, орташа диаметрі (Ду 900-43) – жылына 800 погон метр. 20 жұмыс орны ашылады.
Дәл сол жылға керамикалық плиталарды өндірудің үшінші және төртінші желілерін жаңғырту жоспарланған. Қазіргі уақытта жоба әзірлену үстінде. Жүзеге асыруға 5 миллиард теңге көлемінде жеке инвестиция салу көзделген. Өндірістік қуаттылығы – тәулігіне 10 мың шаршы метр. 100 жұмыс орны ашылуы мүмкін.
Осы жылдың соңына дейін тағы үш өндіріс орнының ашылуы күтілуде, онда 72 адам жұмысқа орналасады. Бұл үш өндірістің екеуі іске асыру кезеңінде, ал біреуі талқылау кезеңінде..
Мемлекеттік органның мәліметі бойынша, өңірде бетон өндірісі ашылады, оның құны 213,5 миллион теңге. Жылына 28 мың текше метр бетон шығаруды жоспарлап отыр.
Микрокальцит пен мәрмәр ұнтағын сақтау және жинақтау бойынша құрылыс жобасы жүзеге асырылуда. Жобаның құны – 106 миллион теңге, қуаттылығы – жылына 1 мың тонна микрокальцит және 2,4 мың тонна мәрмәр ұнтағы.
Сонымен қатар, жылдың соңына дейін битум мен автокөлік майларын өндіру басталады деп күтілуде, оның құны 3,5 миллиард теңге. Мұнда 50 адам жұмысқа орналасуы мүмкін. Жобаның қуаттылығы әлі белгісіз.
Үкіметтің мәліметінше, осы жылы фибробетонды фасад панельдерін шығаратын цех жұмысын бастаған. Цехтың қуаттылығы – тәулігіне 10 шаршы метр.
